Heilbrigðisþjónusta – höfuðborgarsvæðið

Heilsugæsla höfuðborgarsvæðisins  starfrækir fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði.

Fjórar stöðvar að auki eru einkareknar. Sjúklingar greiða sama gjald fyrir læknisþjónustu á heilsugæslustöð hvort heldur hún er í opinberum rekstri eða einkarekin.

Komugjald

Gjald fyrir komu á heilsugæslu er ákveðið með reglugerð frá Velferðarráðuneytinu. Samkvæmt reglugerðinni sem tók gildi snemma árs 2018, eru aldraðir skilgreinidir sem sjúkratryggðir einstaklingar 67 ára og eldri og sjómenn 60 ára og eldri sem hafa stundað sjómennsku í 25 ár eða lengur.

Koma á heilsugæslustöð á dagvinnutíma, kl. 8:00 – 16:00,

  • Almennt gjald 1.200 kr.
  • Aldraðir og öryrkjar 600 kr.

Koma á heilsugæslustöð utan dagvinnutíma og á laugardögum og helgidögum.

  • Almennt gjald 3.100 kr.
  • Aldraðir og öryrkjar 1.500 kr.

Vitjanir lækna

Á dagvinnutíma

  • Almennt gjald 3.400 kr.
  • Aldraðir og öryrkjar 1.700 kr.

Utan dagvinnutíma

  • Almennt gjald 4.500 kr.
  • Aldraðir og öryrkjar 2.200 kr.

Gjaldskrána í heild má sjá hér.

Greiðsluþak

Þak er á greiðslum sjúklinga fyrir heilbrigðisþjónustu. Aldraðir og öryrkjar greiða minna en aðrir notendur og að hámarki 47.313 krónur á ári og aldrei meira en 16.700 í sama mánuði. Fyrir almenna notendur er hámarkið á ári 71.113 krónur á ári og aldrei meira en 25.100 krónur í sama mánuði.

Heilbrigðisþjónusta sem fellur undir kerfið er þjónusta heilsugæslu, sjúkrahúsa og sjálfstætt starfandi lækna, sjúkraþjálfara, iðjuþjálfa og talmeinafræðinga samkvæmt samningi við Sjúkratryggingar Íslands. Undir kerfið heyra líka rannsóknir, geisla- og myndgreiningar og meðferð húðsjúkdóma sem er veitt af öðrum en læknum. Heimild: tilkynning velferðarráðuneytisins 2.maí 2017.

Yfirlit

Hér fyrir neðan eru upplýsingar um allar heilsugæslustöðvar á höfuðborgarsvæðinu, aðrar heilbrigðisstofnanir og apótek. Smellið á eftirfarandi:

Heilsugæslustöðvar á höfuðborgarsvæðinu

Einkareknar stöðvar

Aðrir sem veita heilbrigðisþjónustu

Apótek